Сусьветны бэстсэлер «Гары Потэр» выйдзе па-беларуску. Пра гэта паведамляцца ў Фэйсбук-акаўнце выдавецтва «Янушкевіч».
Дырэктар выдавецтва Андрэй Янушкевіч пакуль адмаўляецца ад камэнтароў наконт дэталяў.
«Дасягнутая цьвёрдая папярэдняя дамоўленасьць. Хацелася б да Новага года выдаць», - пацьвердзіў ён Свабодзе.
Імя перакладчыцы або перакладчыка Янушкевіч пакуль ня хоча раскрываць.
Агульны тыраж папулярнай сэрыі раманаў ангельскай піьментніцы Джаан Кэтлін Роўлінг склаў больш за 400 мільёнаў асобнікаў. Гэта абсалютны рэкорд для дзіцячых сэрый. Кнігі выйшлі на больш як 60 мовах. Кожны з раманаў апісвае адзін год жыцьця галоўнага героя — хлопчыка-чараўніка па імені Гары Потэр.
Ян Максімюк гутарыць з выдаўцом Андрэем Янушкевічам пра кнігавыданьне, незанятыя кніжныя нішы і чытацкі голад у Беларусі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў