Амэрыканскі аўтавытворца Ford вырашыў не працягваць самастойны бізнэс у Расеі з прычыны праблемаў са збытам прадукцыі, сказаў у інтэрвію «Коммерсанту» расейскі віцэ-прэмʼер Дзьмітрый Козак.
Паводле яго, кампанія засяродзіцца на разьвіцьці ў сэгмэнце лёгкіх камэрцыйных аўтамабіляў, такіх як Ford Transit. Раней «Коммерсантъ» пісаў, што вытворца адмовіцца ад імпарту легкавых аўтамабіляў у Расею.
Кіраваць бізнэсам па вытворчасьці камэрцыйнага транспарту будзе расейскі партнэр кампаніі — група «Солерс», якая атрымае кантрольны пакет у сумесным прадпрыемстве Ford Sollers.
Цяпер расейскі ўрад абмяркоўвае магчымасьць заключыць цягам двух месяцаў адмысловую інвэстыцыйную дамову, якая прадугледжвае лякалізацыю вытворчасьці Ford Transit у татарстанскай Елабузе.
На пачатку сакавіка Reuters пісалі са спасылкай на крыніцы, што ў Расеі могуць закрыць 2 асноўныя заводы Ford у Ленінградзкай вобласьці (ва Ўсеваласку) і ў Татарстане, на якіх выпускаюць легкавыя аўта.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў