Лінкі ўнівэрсальнага доступу

Багданкевіч: Адзіны рубель — сродак паглынаньня Беларусі Расеяй


Станіслаў Багданкевіч
Станіслаў Багданкевіч

Прафэсар, былы старшыня праўленьня Нацыянальнага банку Беларусі Станіслаў Багданкевіч пракамэнтаваў выказваньні Лукашэнкі пра адзіную з Расеяй валюту.

«Сьмешна думаць, што нешта зьменіцца, калі эмісійны цэнтар будзе не ў Маскве, а ў нейкім іншым расейскім горадзе. Тут няма ніякай розьніцы. Аднак гэтае пытаньне другаснае.

Што такое рубель? Гэта толькі інструмэнт, які адлюстроўвае эканоміку краіны. А што такое эканоміка Расеі ў параўнаньні з эканомікай нашай краіны? Гэта 80% з гакам на карысьць расейцаў. І таму казаць пра нейкую роўнасьць можна толькі на нарадах. А да рэальнасьці гэтыя словы ня маюць ніякага дачыненьня. Насамрэч ніякай роўнасьці няма і ня будзе», — лічыць Багданкевіч.

Багданкевіч лічыць, што стварэньне адной валюты ў рамках так званай Саюзнай дзяржавы гэта толькі адзін са спосабаў паглынаньня Расеяй Беларусі.

Прафэсар кажа. што спасылкі Лукашэнкі на Эўрапейскі Зьвяз не карэктныя:

«Эўразьвяз гэта амаль 30 краін. І там няма, каб адна краіна дамінавала над усімі іншымі. Бо там жа ня толькі Нямеччына, але і Францыя, і Італія, і Гішпанія, і Польшча падцягваецца апошнім часам. То бок там існуе рэальная процівага. А якая процівага Беларусь для Расеі? Расея задавіць — і ўсё.

Пра адзіную саюзную валюту Лукашэнка сказаў наступнае: «Навошта нам выдумляць талер? Будзе агульны рубель, але не расейскі і не беларускі. І эмісійны цэнтар не ў Маскве, а ў Смаленску ці ў Санкт-Пецярбургу».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG