Лінкі ўнівэрсальнага доступу

У Мазыры ДАІ затрымала міліцыянта, які быў нецьвярозы за рулём?


Ілюстрацыйнае фота

У Мазыры супрацоўнікі ДАІ затрымалі міліцыянта з Калінкавіцкага аддзела дэпартамэнта аховы, які «з прыкметамі алькагольнага ап’яненьня кіраваў асабістым „Фольксвагенам“».

Пра гэта паведаміў у Telegram блогер Nexta, апублікаваўшы выяву меркаванай зводкі.

У інфармацыі гаворыцца, што затрыманы міліцыянт нібыта адмовіўся ад мэдычнага агляду. Ён быў па-за службай, у цывільным.

Афіцыйны прадстаўнік УУС Гомельскага аблвыканкаму Віталь Прыстромаў не пацьвердзіў, але і не абверг гэтую інфармацыю.

«Перад законам усе роўныя. Нам няма розьніцы, ці гэта супрацоўнік міліцыі знаходзіцца ў стане алькагольнага ап’яненьня за стырном, ці не. Ён, як і любы ўдзельнік дарожнага руху, уяўляе сур’ёзную пагрозу іншым грамадзянам і падлягае адказнасьці адпаведна зь дзейным заканадаўствам», — сказаў карэспандэнту Свабоды Віталь Прыстромаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG