Саміт Вышаградзкай чацьвёркі, які павінен быў праходзіць 14-18 лютага ў Ерусаліме, не адбудзецца. Польшча адмовілася ўдзельнічаць у саміце з прычыны супрацьпольскіх заяваў найвышэйшых прадстаўнікоў Ізраілю. Замест саміту ў Ізраілі пройдуць толькі двухбаковыя перамовы.
Паводле прэм'ер-міністра Чэхіі Андрэя Бабіша, саміт мог бы адбыцца ў другой палове году, калі Чэхія будзе старшыняваць у Вышаградзкай групе.
Спрэчку паміж Польшчай і Ізраілем выклікалі камэнтары ізраільскага прэм'ера Біньяміна Нэтаньягу і новапрызначанага выканаўцы абавязкаў міністра замежных справаў Ісрэаля Каца пра ўдзел палякаў у Галакосьце.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў