Вярхоўны суд апублікаваў статыстыку пра тое, як працавалі суды Беларусі летась.
Цягам 2018 году ў крымінальных працэсах асудзілі 40 612 чалавек. Апраўдальныя выракі атрымалі 80 чалавек — гэта 0,19% усіх прысудаў.
Вышэйстаячыя суды скасавалі выракі раённых і гарадзкіх судоў супраць 240 чалавек. Гэта 0,5% ад агульнай колькасьці прыцягнутых да крымінальнай адказнасьці. Зьмянілі прысуды супраць 1566 чалавек, гэта 3,7% ад асуджаных паводле Крымінальнага кодэксу.
