Лінкі ўнівэрсальнага доступу

Мадура папярэдзіў пра небясьпеку грамадзянскай вайны ў Вэнэсуэле


Мадура з расейскай снайпэрскай вінтоўкай падчас вайсковых вучэнняў на тэрыторыі Вэнэсуэлы 14 студзеня 2017

Прэзыдэнт Вэнэсуэлы Нікалас Мадура не выключае верагоднасьці пераходу цяперашняга палітычнага крызысу ў грамадзянскую вайну.

«Усё залежыць ад градусу шаленства і агрэсіўнасьці паўночнай імпэрыі і яе заходніх саюзьнікаў», — заявіў ён у інтэрвію, якое выйшла ў эфір у нядзелю на гішпанскім тэлеканале La Sexta. Пра гэта паведаміла «Нямецкая хваля». Паводле Мадура, афіцыйны Каракас «жадае, каб ніхто ня ўмешваўся ва ўнутраныя справы» Вэнэсуэлы. «Мы гатовыя абараняць нашу краіну» і «не здамо Вэнэсуэлу», — дадаў ён.

ЗША разглядаюць вайсковую інтэрвэнцыю ў Вэнэсуэлу як адзін з варыянтаў сваіх дзеяньняў супраць рэжыму Мадура. Прэзыдэнт ЗША Дональд Трамп заявіў пра гэта ў інтэрвію тэлеканалу Сі-бі-эс, якое выйшла ў эфір у нядзелю.

«Ня хочацца гаварыць пра гэта, але вядома, такі варыянт разглядаецца», сказаў ён у размове з Маргарэт Брэнан, вядучай праграмы «Тварам да краіны».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG