Па ўсёй Польшчы паліцыя арыштавала больш за дваццаць чалавек, якія падазраюцца ў распаўсюджваньні пагрозаў у бок мэраў, прадстаўнікоў органаў дзяржаўнага кіраваньня, паведамляе Польскае радыё.
Пад масавыя затрыманьні таксама трапілі і тыя, хто публічна высьмейваў трагічную сьмерць мэра Гданьска.
Галоўная камэндатура паліцыі паведаміла аб тым, што інфармацыя пра затрыманьні перададзеная ў пракуратуру, разам з доказамі пагрозаў. Інфармацыю пра камэнтары ў сеціве, якія парашаюць закон, у паліцыю перадалі грамадзяне, якія сталі сьведкамі іх зьяўленьня.
У польскай паліцыі нагадалі, што дзейнасьць у кібэрпрасторы не зьяўляецца ананімнай, бо кожны рух карыстальніка інтэрнэту пакідае сьлед.
Мэр Гданьску Павал Адамовіч атрымаў нажавыя раненьні 13 студзеня падчас фіналу дабрачыннай акцыі «Вялікі аркестар сьвяточнай дапамогі» ў Гданьску. На наступны дзень ён памёр у бальніцы. 27-гадоваму нападніку Стэфану В. пагражае пажыцьцёвае зьняволеньне.