Лінкі ўнівэрсальнага доступу

Забойцам фігурыста Дзяніса Тэна далі па 18 гадоў пазбаўленьня волі


Дзяніс Тэн, архіўнае фота
Дзяніс Тэн, архіўнае фота

Спэцыялізаваны міжраённы суд Алма-Аты прысудзіў абвінавачаным у забойстве казахстанскага фігурыста Дзяніса Тэна — 24-гадовым Арману Кудайбэргенаву і Нуралы Кіясаву — 18 гадоў пазбаўленьня волі ва ўстанове строгага рэжыму.

Пракурор прасіў для іх па 20 гадоў.

Іх хаўрусьніцы, 23-гадовай Жанар Талыбаевай, абвінавачванай у неданясеньні пра злачынства, прысудзілі 4 гады.

Падсудныя, выступаючы на папярэдніх пасяджэньнях, раскайваліся і прасілі прабачэньня ў сваякоў забітага спартоўца, але прасілі перакваліфікаваць абвінавачваньне: паводле іх вэрсіі, яны зьбіраліся толькі абрабаваць, але ня мелі намеру на забойства.

Дзяніс Тэн загінуў 19 ліпеня 2018 году. Ён засьпеў на месцы злачынства мужчын, якія скручвалі з аўтамабіля люстэрка. Калі Тэн паспрабаваў ім перашкодзіць, тыя ўдарылі яго нажом. Крывацёк было такім моцным, што нягледзячы на намаганьні мэдыкаў, спартовец сканаў у лякарні ў той жа дзень.

Дзяніс Тэн быў вельмі папулярны ў Казахстане, Расеі і многіх іншых краінах. На Алімпійскіх гульнях у Сочы ён атрымаў бронзавы мэдаль, стаў чэмпіёнам VII Зімовых азіяцкіх гульняў. Яму было 25 гадоў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG