Паводле папярэдняй інфармацыі, пажар пачаўся ў адным з пакояў на другім паверсе будынку, але полымя вельмі хутка распаўсюдзілася на 200 квадратных мэтраў.
Да пажару будынак не эксплюатаваўся — у ім мелася пачацца рэканструкцыя. Пацярпелых няма.
Ратавальнікі пакуль не называюць магчымых прычын узгараньня. На месцы падзеі працуюць 11 адзінак пажарна-выратавальнай тэхнікі і больш як 40 супрацоўнікаў асабовага складу.
Раней Міністэрства культуры Ўкраіны паведаміла аб зьнікненьні 10 каштоўных экспанатаў з Кіева-Пячорскай лаўры — васьмі абразоў, драўлянага паціру і крыжа ХІХ стагодзьдзя. Гэты было выяўлена пры інвэнтарызацыі каштоўнасьцяў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў