Аргкамітэт па стварэньні партыі «Народная Грамада» прапануе вылучыць прэтэндэнтам у кандыдаты на прэзыдэнцкую пасаду свайго лідара Мікалая Статкевіча. Адпаведнае рашэньне было прынятае 13 студзеня на пасяджэньні аргкамітэта арганізацыі, паведамляе БелаПАН.
«Мікалай Статкевіч будзе сапраўдным народным прэзыдэнтам нашай краіны», – гаворыцца ў заяве аргкамітэта партыі.
Плянуецца, што 17 студзеня адбудзецца пасяджэньне Беларускага нацыянальнага кангрэса, на якім можа быць названы агульны ад гэтай структуры прэтэндэнт у кандыдаты ў прэзыдэнты.
Згодна з заканадаўствам, выбары ў Палату прадстаўнікоў павінны прайсьці не пазьней за 10 верасьня 2020 года, прэзыдэнта – не пазьней за 30 жніўня 2020-га. У сувязі з гэтым не выключана, што адна з выбарчых кампаній можа адбыцца ў 2019 годзе.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў