Мінабароны РФ папрасіла права зьбіваць пасажырскія самалёты над Расеяй

Міністэрства абароны РФ падрыхтавала праект пастановы, які дазваляе зьбіваць пасажырскія самалёты, якія парушылі мяжу Расеі.

Згодна з дакумэнтам, выкладзенаму на сайце ўраду, самалёты можна будзе зьбіваць, калі яны не рэагуюць на папераджальныя сыгналы і папераджальны агонь, і калі іх палёт пагражае масавай гібельлю людзей, экалягічнай катастрофай ці нападам на стратэгічныя аб’екты.

Цяперашні закон «Аб супрацьдзеяньні тэрарызму» дазваляе вайскоўцам зьбіваць у паветранай прасторы Расеі захопленыя тэрарыстамі пасажырскія самалёты. У той жа час пастанова ўрада ад 1994 году забараняе зьбіваць грамадзянскія самалёты, калі вядома, што на іх борце ёсьць пасажыры.