Пэнтагон пакідае адзін зь яго самых уплывовых прадстаўнікоў

Кіраўнік апарату Міністэрства абароны ЗША контр-адмірал Кэвін Суіні падаў у адстаўку, паведамілі ў Пэнтагоне.

Суіні займаў гэтую пасаду са студзеня 2017 года.

«Пасьля двух гадоў у Пэнтагоне я вырашыў, што прыйшоў час вярнуцца ў прыватны сэктар. Для мяне было вялікім гонарам зноў служыць сярод мужчын і жанчын Міністэрства абароны», — гаворыцца ў заяве Суіні.

Адстаўцы Суіні папярэднічаў сыход некаторых іншых высокапастаўленых супрацоўнікаў абароннага ведамства.

/**/ /**/ /**/

ГЛЯДЗІЦЕ ТАКСАМА:

Трамп назваў выканаўцу абавязкаў міністра абароны ЗША

Міністар абароны Джэймс Мэтыс, у падначаленьні ў якога працаваў Суіні, сышоў са сваёй пасады ў пачатку гэтага месяца.

Мэтыс абвясьціў аб адстаўцы ў канцы сьнежня, неўзабаве пасьля таго, як прэзыдэнт Дональд Трамп заявіў, што ЗША выведуць з Сірыі каля двух тысяч вайскоўцаў. У сваім лісьце, у якім ён не згадаў Трампа па імені, Мэтыс адзначыў сур’ёзную розьніцу ў поглядах паміж ім і прэзыдэнтам, у прыватнасьці па пытаньні аб значэньні саюзьнікаў і выкарыстаньні амэрыканскай моцы.

Прэс-сакратар Пэнтагона Дана Уайт таксама падала ў адстаўку, пакінуўшы міністэрства ў канцы сьнежня.