Лінкі ўнівэрсальнага доступу

Сёньня ў Расеі хаваюць першых ахвяраў выбуху ў Магнітагорску


Жыхары Магнітагорску прыносяць кветкі на месца здарэньня
Жыхары Магнітагорску прыносяць кветкі на месца здарэньня

Пахаваньні шасьці чалавек, якія загінулі 31 сьнежня ў выніку частковага абвалу шматкватэрнага дома ў расейскім горадзе Магнітагорску, адбудуцца 4 студзеня, паведамілі мясцовыя чыноўнікі.

Пяць пахаваньняў адбудуцца ў Магнітагорску, а шостае — у вёсцы Агапаўка.

Таджыцкая служба Радыё Свабода паведаміла, што целы чатырох загінулых таджыкаў будуць дастаўленыя ў Таджыкістан пасьля рэлігійнай службы ў суседнім Чалябінску.

Сама меней 39 чалавек загінулі, калі частка 10-павярховага дома разбурылася пасьля выбуху ў паўднёваўральскім горадзе з насельніцтвам звыш 400 тысяч чалавек. Афіцыйна прычынай трагедыі называюць уцечку газу ў шматкватэрным доме, пабудаваным у 1973 годзе. Усяго ў гэтым доме жылі каля 1100 чалавек.

Міністэрства надзвычайных сытуацый Расеі 3 студзеня аб’явіла аб заканчэньні пошукавай апэрацыі. Намесьнік міністра Аляксандар Чупрыян паведаміў, што целы 38 з 39 загінулых апазнаныя.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG