Лінкі ўнівэрсальнага доступу

У выніку выбуху газу ў жылым доме ў Расеі загінулі 4 чалавекі. Лёс дзесяткаў невядомы

абноўлена

Разбураны жылы дом у Магнітагорску

Загінулі 4 чалавекі. Выбух адбыўся ў горадзе Магнітагорск, Чалябінскай вобласьці.

З-пад завалаў вызвалілі 3 жывых чалавек і 4 загінулых. Усе загінулыя дарослыя, раней паведамлялася пра трох загінулых. Лёс дзесяткаў чалавек невядомы, — паведамляюць расейскія СМІ. Паводле афіцыйных дадзеных, у кватэрах у разбураным пад'ездзе зарэгістраваныя 110 чалавек.

Прэзыдэнт Расеі Ўладзімер Пуцін вылецеў у Магнітагорск з Сочы, - паведамляе рэсурс 74.ru. На 15.00 маскоўскага часу невядомым застаецца лёс каля 70 чалавек. Працягваюцца выратавальныя працы. Мяркуецца, што ў горадзе абвесьцяць траўр.

Абрушваньне дома адбылося 31 сьнежня каля шостай гадзіны ранку. Асноўнай прычынай лічыцца выбух бытавога газу. Відавочцы распавядаюць, што паміж выбухам і разбурэньнем прайшлі некалькі хвілін. За гэты час людзі пасьпелі пакінуць жытло, некаторыя выскоквалі з вакон. Эвакуяваныя пацярпелыя разьмешчаныя ў будынках бліжэйшых школ.

Апэратыўныя паведамленьні зьяўляюцца ў тэлеграм-канале губэрнатара Чалябінскай вобласьці Барыса Дуброўскага.

Выданьне Чалябінск.онлайн сьцвярджае, што разьмясьціла відэазапіс выбуху, які зафіксавала камэра відэаназіраньня ў офісным памяшканьні разбуранага пад'езда.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG