Лінкі ўнівэрсальнага доступу

У Расеі пачалі праверку ВВС пасьля абвінавачаньняў Вялікай Брытаніі ў адрас тэлеканалу RT


Цэнтральны офіс ВВС у Лёндане

«Роскомнадзор»​ пачаў праверку рэсурсаў ВВС у Расеі пасьля абвінавачваньняў брытанскага рэгулятара ў адрас расейскага тэлеканалу RussiaToday.

На сайце ведамства гаворыцца, што «Роскомнадзор» праверыць «на адпаведнасьць заканадаўству» расейскае вяшчаньне тэлеканалу BBC World News і інтэрнэт-рэсурсы ВВС. Пра вынікі праверкі паведамяць дадаткова.

20 сьнежня брытанскі мэдыярэгулятар Ofcom абвінаваціў RussiaToday у неаб’ектыўным асьвятленьні падзеяў ва Ўкраіне і Сырыі, а таксама атручваньня Скрыпалёў. Парушэньні выявілі ў сямі праграмах RT.

Брытанскі мэдыярэгулятар пакуль не прыняў рашэньня аб санкцыях у дачыненьні да RT. Каналу могуць прызначыць штраф або адклікаць ліцэнзію на вяшчаньне ў Вялікай Брытаніі.

З 2011 году, калі RT пачаў працаваць у Вялікай Брытаніі, Ofcom выявіў у яго 15 выпадкаў парушэньня правілаў вяшчаньня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG