Дзяржаўная дума Расеі прыняла ў трэцім чытаньні законапраект аб пакараньні за ўцягваньне непаўналетніх у несанкцыянаваныя акцыі пратэсту. Арганізатарам акцый, якія заклікаюць да ўдзелу непаўналетніх, пагражае штраф да 50 тысяч расейскіх рублёў (амаль 1600 беларускіх) і арышт да 15 сутак.
Законапраект быў унесены ў Думу неўзабаве пасьля антыкарупцыйных мітынгаў расейскага апазыцыянэра Аляксея Навальнага, у якіх, паводле ацэнак назіральнікаў, удзельнічала шмат падлеткаў.
