Лінкі ўнівэрсальнага доступу

Амбасадар Украіны расказаў, што замінае адкрыцьцю ўкраінскага каналу ў Беларусі


Ілюстрацыйнае фота

Амбасадар Украіны ў Беларусі Ігар Кізім 17 сьнежня патлумачыў сытуацыю вакол адкрыцьця ўкраінскага тэлеканалу ў Беларусі.

Ігар Кізім
Ігар Кізім

Паводле яго, усе тэхнічныя работы скончыліся ў лютым 2018 году. Аднак на той момант яшчэ не было пагадненьня паміж кіраўніцтвам дзьвюх краін аб адкрыцьці гэтага каналу. Пасьля беларускі бок пачаў казаць пра зьмены ў законе аб СМІ, і пытаньне фактычна зацягнулася.

Цяпер сытуацыя выглядае адваротнай той, што была ў лютым: ёсьць дамовы аб адкрыцьці каналу на ўрадавым узроўні, але няма тэхнічнага пагадненьня — зьявіўся новы тэлеапэратар, з гэтым і зьвязаная затрымка.

Што за канал?

Украінскі канал, які, як мяркуецца, пачне вяшчаньне ў Беларусі, UA:TV, мае эфіры на ўкраінскай, расейскай, крымскататарскай, ангельскай і арабскай мовах.

Кізім назваў UA:TV памяркоўным каналам зь невялікім інфармацыйным блёкам, пераважна з навінамі культуры.

Беларускія ўлады зьбіраліся ў 2014 годзе стварыць беларуска-ўкраінскі тэлеканал, але так і не зрабілі гэтага. Сёлета ў кастрычніку прэзыдэнт Украіны Пятро Парашэнка заяўляў, што запуск украінскага каналу ў Беларусі адбудзецца «неўзабаве».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG