У эксклюзіўным інтэрвію Радыё Свабода Гары Каспараў распавёў пра санкцыі, выбары, пратэст і «агонію рэжыму Пуціна». Расейскі палітык і грамадзкі дзяяч прыняў удзел у шостым па ліку Форуме свабоднай Расеі ў Вільні.
Сярод іншага расейскі палітык заявіў:
«Рэжым, мне здаецца, увайшоў у тую стадыю, калі колькасьць грошай, якія сабраныя наверсе, на самай справе ніяк не адбіваецца на паляпшэньні жыцьця шараговых грамадзян... Можна казаць пра тое, што мы прысутнічаем, калі браць гістарычныя паралелі, пры агоніі. Іншая справа, што агонія такіх рэжымаў можа быць, па-першае, дастаткова працяглай, а па-другое, вельмі страшнай і крывавай. Таму, мне здаецца, трэба правільна разумець, якую цану давядзецца заплаціць Расіі, і ўсяму сьвету за крушэньне рэжыму, які зараз пачаў упершыню сутыкацца з рэальнай міжнароднай ізаляцыяй».
Поўны тэкст інтэрвію можна прачытаць на сайце Расейскай службы Радыё Свабода.
