Лінкі ўнівэрсальнага доступу

Гарадавы з сабачкам — правобраз сучаснага міліцыянта. «Белая Русь» адказала наконт скульптуры каля МУС


Скульптура «Менскі гарадавы» на вуліцы Гарадзкі Вал

Грамадзкае абʼяднаньне «Белая Русь» адказала на зварот менчука Яўгена Ліпковіча. Апошні прапанаваў арганізацыі падтрымаць пэтыцыю аб зносе ў Менску скульптуры «Менскі гарадавы».

На момант публікацыі пэтыцыю падпісалі больш за 2600 разоў.

Адказ на зварот Ліпковіча напісаў намесьнік старшыні «Белай Русі» Сяргей Пігараў, падпісаў — старшыня арганізацыі Генадзь Давыдзька.

Паводле задумы мастака Пятра Лабковіча, скульптуру зрабілі па здымку сапраўднага менскага гарадавога, гаворыцца ў адказе «Белай Русі».

«Сабачка побач з паліцэйскім — бяздомны, ён знайшоў абарону ў служыцеля вартавога парадку. Мы мяркуем, скульптура „Менскі гарадавы“ безумоўна зьяўляецца дэкаратыўным архітэктурным абʼектам і носіць жанравы характар. Яе можна назваць правобразам сучаснага беларускага міліцыянта, сымбалем парадку і спакою на вуліцах гораду, што зьяўляецца неаспрэчнай заслугай беларускай міліцыі», — напісана ў адказе на зварот.

Што важна ведаць: інцыдэнты са скульптурай «Менскі гарадавы»

Скульптура «Менскі гарадавы» зьявілася ў Менску ў 2017 годзе, аўтар — мастак Пятро Лабковіч.

Пэтыцыю за знос скульптуры ў сьнежні 2018 году падпісалі больш за 2600 разоў.

Менчукоў неаднаразова затрымлівалі нават за фота з гарадавым ці за накінуты на яго шалік.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG