Лінкі ўнівэрсальнага доступу

SpaceX запусьціла на арбіту 64 спадарожнікі з 17 краін за адзін раз. ВІДЭА


Ракета Falcon 9 SpaceX адрываецца ад стартавай пляцоўкі
Ракета Falcon 9 SpaceX адрываецца ад стартавай пляцоўкі

Гэта ўжо трэці палёт ракеты Falcon 9, якая вывела 3 сьнежня на зямную арбіту спадарожнікі на вышыню 575 кілямэтраў.

Амэрыканская прыватная кампанія SpaceX паставіла адразу два рэкорды: вывела на арбіту за раз 64 спадарожнікі з 17 краін і запусьціла ракету Falcon 9 трэці раз, паведамляецца ў акаўнце кампаніі ў Twitter. Ракета пасьпяхова стартавала з базы ВВС ЗША «Вандэнбэрг» у штаце Каліфорнія. Гэта ўжо 19-ы пуск, які зрабіла кампанія Ілана Маска сёлета.

Старт ракеты на 19 хвіліне рэпартажу

Раней расейскі «Роскосмос» абвінаваціў кампанію Ілана Маска ў зьніжэньні долі Расеі ў сусьветным экспарце ракетна-касьмічных паслуг. Пра гэта гаворыцца ў справаздачы кампаніі за мінулы год. Доля расейскага экспарту склала 8,5% замест заплянаваных 24,5%.

У справаздачы ўдакладняецца, што гэта адбылося праз антырасейскія санкцыі, прыватныя касьмічныя кампаніі, нізкі курс рубля і затрымкі паставак ад украінскіх вытворцаў.

У 2017 годзе «Роскосмос» змог ажыцьцявіць толькі 17 запускаў касьмічных апаратаў замест заплянаваных 25.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG