Лінкі ўнівэрсальнага доступу

Трамп выказаў надзею на строгі прысуд свайму былому адвакату


Майкл Коэн

Прэзыдэнт ЗША Дональд Трамп выказаў надзею на «усёабдымны» судовы прысуд свайму былому юрысту Майклу Коэну.

Паводле Трампа, Коэн хлусіў пра дамоўленасьці з Расеяй у пэрыяд прэзыдэнцкай кампаніі 2016 году.

Чакаецца, што прысуд Коэну будзе абвешчаны 12 сьнежня. Ён прызнаў сябе вінаватым ва ўхіленьні ад выплаты падаткаў, вырабе фальшывых банкаўскіх дакумэнтаў, фінансавых парушэньнях падчас прэзыдэнцкай кампаніі і ў тым, што даў ілжывыя паказаньні ў Кангрэсе ЗША.

Былы адвакат Трампа, Коэн стаў супрацоўнічаць са спэцыяльным пракурорам Робэртам Мюлерам, які кіруе расьсьледаваньнем меркаванага расейскага ўмяшаньня ў выбарчую прэзыдэнцкую кампанію 2016 году. Расея адмаўляе якое-небудзь сваё ўмяшаньне, а Трамп называе гэтае расьсьледаваньне палітычным «паляваньнем на вядзьмарак».

Адвакаты Коэна зьвярнуліся да судзьдзі з просьбай не прыгаворваць яго да турэмнага зьняволеньня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG