Лінкі ўнівэрсальнага доступу

Парашэнка: на мяжы з Украінай засяроджана 80 тыс. вайскоўцаў РФ


Прэзыдэнт Украіны Пятро Парашэнка сьцьвярджае, што Расея разгарнула ля межаў з Украінай, а таксама ў анэксаваным Крыме і на непадкантрольных Украіне тэрыторыях Данецкай і Луганскай абласьцей групоўку колькасьцю больш за 80 тысяч вайскоўцаў.

У суботу на цырымоніі перадачы ўзброеным сілам новай тэхнікі Парашэнка сказаў, што расейская групоўка таксама ўключае ў сябе каля 1400 артылерыйскіх і ракетных сыстэм залпавага агню, 900 танкаў, 2300 баявых браніраваных машын, больш за 500 самалётаў і 300 верталётаў.

Паводле Парашэнкі, у акваторыі Чорнага, Азоўскага і Эгейскага мораў знаходзяцца больш за 80 расейскіх вайсковых караблёў і 8 падводных лодак.

Пагроза расейскага ваеннага ўварваньня ва Ўкраіну называлася, нароўні зь нядаўнім захопам у Чорным моры трох украінскіх вайсковых караблёў, адной з прычынаў увядзеньня на частцы тэрыторыі гэтай краіны — перш за ўсё ў памежных з Расеяй раёнах — ваеннага становішча тэрмінам на месяц. Парашэнка ў суботу выказаў надзею, што працягваць яго не давядзецца, а ў часе ваеннага становішча Ўкраіна ўмацуе сваю абараназдольнасьць.

Расея сьцьвярджае, што ў яе няма агрэсіўных плянаў у дачыненьні да Ўкраіны, а ўкраінскія караблі самі парушылі яе мяжу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG