Лінкі ўнівэрсальнага доступу

Кіеў зьвярнуўся ў Міжнародны трыбунал ААН пасьля захопу караблёў Расеяй


Адзін з караблёў, захопленых у Керчанскай пратоцы

Украіна зьвярнулася ў Міжнародны трыбунал ААН па марскім праве пасьля захопу ўкраінскіх судоў расейскімі памежнікамі. Пра гэта гаворыцца ў паведамленьні, апублікаваным на сайце міністэрства замежных спраў Украіны.

Ўдакладняецца, што цяпер трыбунал разглядае скаргу аб парушэньні канвэнцыі ААН.

У заяве адзначаецца, што Расея працягвае практыку «дыскрымінацыйнага перасьледу» ўкраінскіх і замежных судоў, якія плянуюць прайсьці праз Керчанскую пратоку ва ўкраінскія парты. У ведамстве таксама заявілі пра пратэст супраць дзеяньняў Расеі.

25 лістапада расейскія памежнікі захапілі тры караблі вайскова-марскіх сіл Украіны. 24 маракі былі затрыманыя, пазьней суд у анэксаваным Крыме арыштаваў іх на два месяцы. Расейскія ўлады вінавацяць ўкраінскіх маракоў у незаконным перасячэньні дзяржаўнай мяжы. Кіеў абвінавачвае расейскія ўлады ў правакацыі і лічыць інцыдэнт актам агрэсіі. Прэзыдэнт Украіны падпісаў закон, паводле якога ў некалькіх рэгіёнах краіны ўводзіцца ваеннае становішча.

Што трэба ведаць пра канфлікт Украіны і Расеі ў Азоўскім моры

Расея 25 лістапада заблякавала выхад украінскіх караблёў, якія плылі да Марыюпалю праз Керчанскі праліў, каб трапіць у Азоўскае мора. Тры ўкраінскія караблі і больш за 20 украінскіх маракоў захопленыя расейскімі вайскоўцамі.

  • Раніцай 25 лістапада расейскі сухагруз перагарадзіў Керчанскую пратоку перад трыма ўкраінскімі суднамі, якія ажыцьцяўлялі плянавы пераход з порту Адэсы ў порт Марыюпаль Азоўскага мора. Пазьней расейскі пагранічны карабель пратараніў буксір Вайскова-марскіх сіл Узброеных сіл Украіны.
  • Расейскія вайсковыя караблі з дапамогай авіяцыі і спэцназу атакавалі і захапілі пашкоджаны ўкраінскі буксір і два малыя браняваныя артылерыйскія катэры. Шэсьць украінскіх маракоў былі параненыя, двое зь іх у цяжкім стане.
  • Паводле Расеі, украінскія караблі спрабавалі прайсьці празь Керчанскую пратоку незаконна. Украіна адкідае гэтае абвінавачваньне, спасылаючыся на міжнародныя і міжурадавыя пагадненьні.
  • Ці праўда, што ўкраінскія караблі парушылі расейскую мяжу ў Азоўскім моры?
  • Ва Ўкраіне абʼявілі ваеннае становішча з 28 лістапада да 27 сьнежня. Узброеныя сілы Ўкраіны прыведзеныя ў поўную баявую гатоўнасьць.
    Дзе ва Ўкраіне ўвялі ваеннае становішча
    Дзе ва Ўкраіне ўвялі ваеннае становішча
  • Канфлікт у Азоўскім моры паміж Украінай і РФ узьнік пасьля ўвядзеньня ў эксплюатацыю моста ў анэксаваны Крым. Украіна заяўляе, што Расея на падставе праверак затрымлівае дзясяткі суднаў, якія ідуць ва ўкраінскія азоўскія парты. Паводле Масквы, праверкі ўкраінскіх суднаў законныя.
  • Рада Бясьпекі ААН склікала 26 лістапада экстранае паседжаньне ў сувязі з рэзкім абвастрэньнем сытуацыі ў Керчанскім праліве, шэраг эўрапейскіх краінаў асудзілі дзеяньні Расеі ў Азоўскім моры.
  • Суд Сімферопаля на два месяцы арыштаваў 24 украінскіх маракоў, захопленых расейскімі сілавікамі. Украінская пракуратура прызнала іх ваеннапалоннымі.
  • Украіна на час дзеяньня ваеннага становiшча забараніла ўезд у краіну мужчынам –​ грамадзянам Расеі ва ўзросьце ад 16 да 60 гадоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG