Лінкі ўнівэрсальнага доступу

Удакладненьне пра ваеннае становішча ва Ўкраіне: яно ўведзенае ад 26 лістапада


Пятро Парашэнка
Пятро Парашэнка

У Адміністрацыі прэзыдэнта Ўкраіны Пятра Парашэнкі абнародаваны ўказ аб увядзеньні ваеннага становішча ў 10 абласьцях Украіны. Згодна з указам, ваеннае становішча ўводзіцца з 26 лістапада а не з 28 лістапада, як паведамлялася раней.

Пазьней інфармацыю пра тое, што ваеннае становішча ўведзенае з 26 лістапада, пацьвердзіла Рада нацыянальнай бясьпекі і абароны Ўкраіны.

Гэта значыць, што гэты рэжым будзе доўжыцца ва Украіне да 26 сьнежня.

Вярхоўная Рада Ўкраіны зацьвердзіла законам указ прэзыдэнта Пятра Парашэнкі аб увядзеньні ваеннага становішча ў сувязі з «чарговым актам агрэсіі Расейскай Фэдэрацыі 25 лістапада ў раёне Керчанскай пратокі супраць караблёў Ваенна-марскіх сілаў Украіны».

Рашэньне падтрымалі 276 з 330 дэпутатаў, зарэгістраваных у сэсійнай залі.

«Ваеннае становішча будзе выкарыстана выключна ў выпадку наземнай вайсковай апэрацыі. Абмежаваньня правоў і свабод ня будзе», — заявіў у парлямэнце прэзыдэнт Пятро Парашэнка.

Паводле яго, ваеннае становішча закране толькі асобныя вобласьці на мяжы з Расеяй, Прыднястроўскай Малдоўскай Рэспублікай і ў тэрытарыяльных водах Керчанскай пратокі — Віньніцкай, Луганскай, Данецкай, Запароскай, Мікалаеўскай, Адэскай, Харкаўскай, Сумскай, Чарнігаўскай і Херсонскай.

Чарнігаўская вобласьць мяжуе зь Беларусьсю.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG