Лінкі ўнівэрсальнага доступу

NASA праверыць Boeing і SpaceX, бо Ілан Маск курыў марыхуану


Ілан Маск

Амэрыканскае касьмічнае агенцтва NASA правядзе буйную праверку ў кампаніях Boeing і SpaceX у сувязі зь відэаролікам, на якім прадпрымальнік Ілан Маск п’е віскі і паліць марыхуану. Пра гэта паведаміла газэта The Washington Post.

Супрацоўнікі агенцтва маюць намер прасачыць, як у карпарацыях арганізаваны працоўны працэс і ці выконваюцца правілы бясьпекі.

У пачатку верасьня Ілан Маск выступіў у прамым эфіры папулярнага амэрыканскага падкасту The Joe Rogan Experience. Ён абмяркоўваў тэхналёгіі, бізнэс і грамадзтва, ужываючы перад камэрай алькаголь і марыхуану.

Паводзіны прадпрымальніка выклікалі ў кіраўніцтва NASA падазрэньні адносна паводзінаў астатніх супрацоўнікаў SpaceX, якую Маск узначальвае. The Washington Post сьцьвярджае, што Boeing вырашылі праверыць «заадно».

Кампаніі SpaceX і Boeing — канкурэнты. Абедзьве карпарацыі выйгралі конкурс NASA на дастаўку астранаўтаў да Міжнароднай касьмічнай станцыі. Прадстаўнік NASA Ўільям Герстэнмаер падкрэсьліў, што людзі павінны быць упэўненыя ў бясьпецы ракет, якія запускаюцца ў космас.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG