Былога прэзыдэнта Ўкраіны Віктара Януковіча паклалі ў адну з маскоўскіх клінік, паведамляюць расейскія СМІ. Пішуць, што ён пашкодзіў хрыбетнік і калена, калі гуляў у тэніс.
Януковіч уцёк у Расею пасьля масавых пратэстаў у Кіеве. Яго вывезьлі расейскія спэцслужбы.
Ва Ўкраіне Януковіча абвінавачваюць у дзяржаўнай здрадзе, датычнасьці да расстрэлу пратэстоўцаў на Майдане, адмываньні грошай, карупцыі, незаконным зьмяненьні канстытуцыі і стварэньні арганізаванай злачыннай групоўкі.
На 19 лістапада Януковіча выклікалі ў кіеўскі суд, дзе разглядаюць ягоную справу пра здраду дзяржаве.
68-гадовы Януковіч віну не прызнае і ў суд ехаць не зьбіраўся.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў