На пажары пад Горадняй загінулі 4 чалавекі

У вёсцы Верцялішкі ўначы 18 лістапада ў агні загінулі чацьвёра чалавек. Пажарныя атрымалі выклік а 1:10. Калі яны прыехалі, хата гарэла адкрытым полымем, паведамляе МНС.

З-пад абломкаў ратавальнікі дасталі целы 4 чалавек — пажылых мужа і жонкі і іх дваіх гасьцей — жанчын 1982 і 1985 гадоў народзінаў.

41-гадовы сын гаспадароў і яшчэ адзін госьць далі рады выбрацца з хаты да прыезду пажарных. Сына з апёкамі твару, шыі і абедзьвюх ручыцаў адвезьлі ў рэанімацыю.

Папярэдняя прычына загараньня – неасьцярожнае абыходжаньне з агнём пры курэньні.

/**/ /**/ /**/

ГЛЯДЗІЦЕ ТАКСАМА:

Пасьля найбольшых за ўсю гісторыю Каліфорніі пажараў зьніклі больш за тысячу чалавек