Лінкі ўнівэрсальнага доступу

Сыну чэскага прэм’ера могуць забараніць уезд ва Ўкраіну


Сын чэскага прэм'ера ў анэксаваным Крыме

Сыну прэмʼер-міністра Чэхіі Андрэю Бабішу-малодшаму пагражае забарона на ўезд ва Ўкраіну і штраф за незаконнае перасячэньне мяжы, паведаміў 16 лістапада Радыё Свабода памочнік старшыні Памежнай службы Ўкраіны Алег Слабадзян.

Раніцай 16 лістапада прэмʼер-міністар Чэхіі Андрэй Бабіш заявіў, што не зьбіраецца добраахвотна сыходзіць у адстаўку на час расьсьледаваньня. Ён таксама падзякаваў прэзыдэнту краіны Мілашу Зэману за абяцаньне ўпаўнаважыць яго сфармаваць новы кабінэт у выпадку магчымай адстаўкі.

У Празе ўвечары 15 лістапада адбыўся пратэст супраць ураду Бабіша за паездкі яго сына ў анэксаваны Крым.

У Чэхіі разгарэўся палітычны скандал пасьля інтэрвію сына прэм’ера Андрэя Бабіша-малодшага выданьню Seznam.cz, якое апублікавалі 12 лістапада. Паводле сына, летась яго гвалтам вывезьлі ў анэксаваны Расеяй Крым, каб ня даць магчымасьці сьведчыць праваахоўнікам супраць бацькі ў магчымых махінацыях са сродкамі Эўразьвязу.

Сам прэмʼер Андрэй Бабіш сьцьвярджае, што ягоны сын знаходзіўся ў Крыме «добраахвотна». Ён дадаў пры гэтым, што сын цярпіць на шызафрэнію.

15 лістапада Вышэйшая палата парлямэнту Чэхіі Сэнат прызнаў непрымальным, каб Бабіш працягваў працаваць на пасадзе кіраўніка ўраду да завяршэньня расьсьледаваньня магчымых махінацыяў са сродкамі Эўрапейскага зьвязу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG