30-гадовы кіроўца мікрааўтобуса «Фольксваген», які 14 лістапада сутыкнуўся з малакавозам у Калінкавіцкім раёне, памёр у шпіталі, паведаміў Tut.by. Такім чынам, у выніку аварыі загінулі ўжо 6 чалавек.
14 лістапада каля 10.55 на 176-м кілямэтры трасы М10 (мяжа Расейскай Фэдэрацыі — Гомель — Кобрынь) мікрааўтобус «Фольксваген» выехаў на паласу сустрэчнага руху, дзе сутыкнуўся з малакавозам.
5 пасажырак мікрааўтобуса памерлі на месцы здарэньня, кіроўца «Фольксвагена» памёр у шпіталі.
