Лінкі ўнівэрсальнага доступу

Лукашэнка павіншаваў палякаў са 100-годзьдзем аднаўленьня незалежнасьці


Прамаўляе Анджэй Дуда

Аляксандар Лукашэнка павіншаваў свайго польскага калегу Анджэя Дуду і народ гэтай краіны з Нацыянальным сьвятам незалежнасьці і 100-годзьдзем аднаўленьня незалежнасьці.

«Разьлічваю на плённую працу ў стварэньні спрыяльных умоваў для далейшага пашырэньня двухбаковага супрацоўніцтва ва ўсіх сфэрах», — цытуе Лукашэнку прэсавая служба.

Ён адзначыў, што Беларусь пасьлядоўна імкнецца выбудоўваць добрасуседзкія і дружалюбныя адносіны з Польшчай, сыходзячы з прынцыпаў міжнароднага права, а таксама сумеснай адказнасьці дзяржаў за стабільнасьць і бясьпеку ў Эўропе.

Пры гэтым да аналягічнага юбілею абвяшчэньня незалежнасьці Беларускай Народнай Рэспублікі, які адначаўся сёлета 25 сакавіка, беларускі кіраўнік ставіцца скептычна. Дазвол на ўсталяваньне мэмарыяльнай дошкі ў памяць пра тую гістарычную падзею ад менскіх уладаў не атрыманы дагэтуль.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG