Лінкі ўнівэрсальнага доступу

Талібы гатовыя прыехаць у Маскву


Меркаваны баявік руху «Талібан», узяты ў палон ўрадавай арміяй Аўганістану ў правінцыі Гільмэнд
Меркаваны баявік руху «Талібан», узяты ў палон ўрадавай арміяй Аўганістану ў правінцыі Гільмэнд

Аўганскія талібы абвясьцілі аб гатоўнасьці далучыцца да шматбаковых мірных перамоваў у Маскве.

Пра гэта паведамляе Reuters са спасылкай на высокапастаўленых прадстаўнікоў руху. Прэсавы прадстаўнік талібаў, аднак, адмаўляе наяўнасьць афіцыйнай згоды на візыт у Расею.

Улады Аўганістану і ЗША адмовіліся браць удзел у перамовах, арганізаваных Крамлём.

Расейскае кіраўніцтва запрасіла на гэтае мерапрыемства 12 краін, а таксама прадстаўнікоў «Талібану» — групоўкі, якая змагаецца з аўганскімі ўладамі і саюзнымі ім войскамі NATO. Талібы дамагаюцца ўсталяваньня ў краіне законаў шарыяту. У перамовах у Маскве гатовыя паўдзельнічаць у тым ліку Іран, Кітай, Пакістан, Таджыкістан, Узбэкістан і Туркмэністан.

Раней амэрыканскія ўлады неаднаразова абвінавачвалі Расею ў пастаўках цяжкага ўзбраеньня талібам.

У 2003 годзе Рада бясьпекі ААН, а затым і Вярхоўны Суд РФ прызналі «Талібан» тэрарыстычнай арганізацыяй.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG