Лінкі ўнівэрсальнага доступу

Анархіста Касінерава і ягоную жонку аштрафавалі за фота з «экстрэмісцкім» адзеньнем

абноўлена

Вячаслаў Касінераў, архіўнае фота
Вячаслаў Касінераў, архіўнае фота

У Беларусі нельга ніякім чынам пісаць фразы на ангельскай мове, якія перакладаюцца як «клясавая вайна» і «тэрор-машына».

Вячаслава Касінерава аштрафавалі на 1102 рублі 50 капеек (45 базавых велічыняў), Марыну Насенку — на 735 рублёў (30 базавых) за «распаўсюд экстрэмісцкіх матэрыялаў».

Касінераў і Насенка пайшлі ў міліцыю аб 11-й гадзіне. А 18-й Касінераў паведаміў, што з пастарунка яго з жонкай адвезьлі ў суд Маскоўскага раёну, які пакараў іх штрафамі. Да таго да іх не маглі дазваніцца сябры, а ў Маскоўскім РУУС, куды яны пайшлі, паведамлялі, што такіх «там няма».

Паводле Касінерава, іх з жонкай аштрафавалі за публікацыю фота, на якіх бачныя шапка і саколка з надпісамі, прызнанымі экстрэмісцкімі. Гэтыя надпісы на ангельскай мове перакладаюцца як «клясавая вайна» і «тэрор-машына».

У Беларусі часта прызнаюць экстрэмісцкімі суполкі і матэрыялы анархістаў (акрамя тых, у гонар якіх названыя вуліцы). Некаторыя фразы і словы забароненыя толькі ў канкрэтным выглядзе (напрыклад, як надпіс на байцы), некаторыя — у абсалютна любым. Сярод забароненых ёсьць надпісы на замежных мовах, у тым ліку па-ўкраінску з мноствам памылак.

Касінерава запрашалі атрымаць позву праз SMS, пагражалі «ўжыць меры да прыводу ў РУУС», калі ён папрасіў перанесьці разьбіральніцтва па справе на іншы дзень.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG