Лінкі ўнівэрсальнага доступу

У ЗША арыштаваны першы падазраваны ў рассыланьні пакетаў


Аўтамабіль падазраванага падрыхтаваны да эвакуацыі і грузіцца на плятфору — для вывучэньня. 26 кастрычніка 2018

У ЗША арыштаваны першы падазраваны ў датычнасьці да адпраўленьня пасылак з выбуховымі прыладамі на адрасы палітыкаў-апанэнтаў прэзыдэнта Дональда Трампа. Арыштаваны – 56-цігадовы Сізар Саёк, жыхар Флорыды з сувязямі ў Нью-Ёрку.

Арышт праведзены ў Флорыдзе. Паводле дадзеных NBC, у арыштаванага крымінальнае мінулае.

Раней сёньня ў Флорыдзе паліцыя выявіла падазроную пасылку, адрасаваную сэнатару-дэмакрату Коры Букер. Паведамленьні пра гэта пацьвердзіла ФБР.

Яшчэ адна падобная пасылка раніцай у пятніцу выяўленая на пошце ў Нью-Ёрку. Паводле непацьверджаных паведамленьняў, яна адрасаваная тэлеканалу CNN на імя Джэймса Клэпэра, былога дырэктара нацыянальнай выведкі.

Як мяркуецца, гэтыя дзьве пасылкі, як і 10 выяўленых апошнімі днямі і адрасаваных крытыкам прэзыдэнта Дональда Трампа пасылак, утрымлівалі самаробнае выбуховае прыстасаваньне.

Раней пасылкі з самаробнымі бомбамі даставілі або спрабавалі даставіць, у прыватнасьці, на адрасы экс-прэзыдэнтаў Біла Клінтана і Барака Абамы, былога віцэ-прэзыдэнта Джо Байдэна, актора Робэрта дэ Ніра і іншых палітыкаў-дэмакратаў або грамадзкіх дзеячоў, вядомых сваёй крытыкай Трампа.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG