У шпіталі памерла апошняя пасажырка Renault Logan, які ўрэзаўся ў плуг трактара пад Чэрыкавам. Кіроўца і яшчэ тры пасажыркі загінулі на месцы.
19-гадовая дзяўчына памерла ўдзень 26 кастрычніка, піша Tut.by. Траўмы, атрыманыя падчас аварыі, былі несумяшчальныя жыцьцём, у яе былі пашкоджаньні галаўнога мозгу. Дзяўчына знаходзілася ў коме.
Аварыя адбылася 19 кастрычніка на шашы Чэрыкаў — Магілёў — Касьцюковічы. Паводле Сьледчага камітэту, жанчына-кіроўца не заўважыла ўсталяваную ззаду трактара прычапную прыладу з плугамі. Плугі, зь якім сутыкнуўся аўтамабіль, не былі аснашчаныя габарытнымі агнямі і сьвятловяртаючымі элемэнтамі. Кіроўцу трактара затрымалі.
Супраць яго завялі крымінальную справу паводле ч. 3 арт. 317 КК (парушэньне ПДР, што пацягнула сьмерць па неасьцярожнасьці). Яму пагражае ад 3 да 7 гадоў турмы.
