У Гомлі адкрылі прыбіральню за паўтара мільёна рублёў. ФОТА

25 кастрычніка ў Гомлі адкрылі грамадзкую прыбіральню, будаўніцтва якой ацэньваецца больш як у 720 тысяч даляраў.

Канчатковы кошт абʼекта ў гомельскім упраўленьні капітальнага будаўніцтва пакуль не падлічылі. Паводле тэндэру, прыбіральня ацэньвалася больш як у 1,5 млн рублёў.

Прыбіральня ўбудаваная ў гару, на якой стаіць гомельскі парк.

За форму, граніт і бляск мясцовыя жыхары ўжо празвалі новую прыбіральню «маўзалеем».