Лінкі ўнівэрсальнага доступу

У вясковай школе на ўроку фізкультуры памёр вучань


Ілюстрацыйнае фота ©Shutterstock

У Быхаўскім раёне ў вёсцы Лудчыцы на ўроку фізкультуры 19 кастрычніка памёр вучань трэцяй клясы. Пахавалі яго 21 кастрычніка.

У лудчыцкай школе пра здарэньне гаварыць адмаўляюцца.

У аддзеле адукацыі Быхаўскага райвыканкаму сказалі толькі, што з 22 кастрычніка прычыны сьмерці вучня высьвятляе камісія.

«Пакуль ня скончанае расьсьледаваньне, ніякіх камэнтароў мы не даём, — сказала намесьніца аддзелу адукацыі Натальля Малашэнка. — На гэты момант няма нават вынікаў экспэртызы. Праверку праводзіць пракуратура. У склад камісіі ўвайшлі двое прадстаўнікоў аддзелу адукацыі».

Як паведаміў Сьледчы камітэт, у хлопчыка было хворае сэрца. Паводле Tut.by, школьнік штогод праходзіў абсьледаваньне ў стацыянары. У даведцы, якую выдалі маці памерлага, напісана: прычына сьмерці высьвятляецца. Заключэньне экспэртаў будзе празь месяц.

Ягор, так звалі вучня, жыў з маці і бабуляй у суседняй з Лудчыцамі вёсцы Та́йманава. На яго пахаваньне прыйшло шмат людзей, у тым ліку настаўнікі, — расказалі аднавяскоўцы.

«Вы ж разумееце, якое гэта гора, калі дзяцей хаваюць, — сказала адна зь вясковак. — А што адбылося на тым уроку, гавораць у вёсцы рознае, але дакладна можа сказаць толькі маці. Яе цяпер лепей не даймаць пытаньнямі».

У школе для сямʼі Ягора сабралі грошай, дапамаглі і аднавяскоўцы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG