Беларусь заняла чацьвёртае месца па росьце спажывецкіх цэн на тэрыторыі былога СССР (ацэньваецца пэрыяд са студзеня па верасень 2018 года), паведамляе БелаПАН спасылаючыся на аналіз дадзеных нацыянальных органаў статыстыкі.
З дзевяць месяцаў 2017 году кошты ў Беларусі павялічыліся на 3,71%. Гэта чацьвёртае месца сярод краін былога СССР. На першым месцы па росьце коштаў знаходзіцца Узбэкістан (8,1%), на другім радку Украіна (5,6%), Таджыкістан трэці (3,8%).
Ніжэй, чым у Беларусі, сёлета інфляцыя ў Эстоніі (3,6%), Казахстане (3,3%), Расіі (2,5%), Латвіі (2,4%), Літве (2%) і Грузіі (0,1%).
А вось у Азербайджане, Малдове, Армэніі і Кыргызстане кошты цэлы год зьніжаюцца (памер дэфляцыі ў гэтых краінах даходзіць да 1,1%). У Прыднястроўі, якое мае ўласную фінансавую сыстэму, кошты з пачатку году павысіліся на 5,1%.
Паводле прагнозаў, спажывецкія кошты сёлета ў Беларусі павінны павялічыцца не больш чым на 6%. У 2017 годзе яны вырасьлі на 4,59%.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў