Лінкі ўнівэрсальнага доступу

Чыноўнікі з Калінкавічаў загадалі прадпрыемствам купіць супрацоўнікам яблыкі


Ілюстрацыйнае фота

Беларускія СМІ апублікавалі дакумэнт ад Калінкавіцкага райвыканкаму: «Даручаю вам арганізаваць набыцьцё яблыкаў для работнікаў вашага прадпрыемства…»

Натальля Прохарава
Натальля Прохарава

Дакумэнт з подпісам намесьніцы старшыні Калінкавіцкага райвыканкаму Натальлі Прохаравай апублікавалі гомельскія «Сильные новости». Яблыкі загадана купляць у прадпрыемства «50 гадоў БССР», пры патрэбе можна купіць у Калінкавіцкага хлебзаводу скрыні пад яблыкі за 50–70 капеек.

Інфармацыю пра закупкі неабходна падаць у аддзел эканомікі райвыканкаму да 14:00 5 кастрычніка, сьцьвярджае дакумэнт, разасланы 2 кастрычніка. У тэксьце пазначаная «кантактная асоба» ў кампаніі «50 гадоў БССР», Тамара Суганяка.

Да «кантактнай асобы» датэлефанаваўся Onliner.by. Партал запрасілі забраць ураджай, але адмовіліся паведаміць, салодкія яблыкі ці кіслыя, а таксама назвалі цану: 35–40 капеек за 1 кг яблыкаў.

У той жа дзень Onliner.by публікаваў загад прадпрыемствам ад намесьніцы старшыні адміністрацыі Кастрычніцкага раёну Магілёву аб набыцьці 100 лятарэйных білетаў для рэалізацыі сярод працаўнікоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG