Лінкі ўнівэрсальнага доступу

У Інгушэтыі масавая акцыя пратэсту. Людзей супакойваюць стрэламі ў паветра


Каля будынка парлямэнта Інгушэтыі ў Магасе праходзіць акцыя пратэсту супраць абмену тэрыторыямі з Чачэнскай рэспублікай. Па дадзеных Кавказ. Реалии, у ёй удзельнічаюць некалькі соцень чалавек.

26 верасьня кіраўнік Інгушэтыі і Чачні Юнус-Бэк Яўкураў і Рамзан Кадыраў падпісалі пагадненьне аб замацаваньні мяжы паміж рэгіёнамі. Дагавор прадугледжвае абмен тэрыторыямі паміж рэспублікамі. У канцы верасьня ў Інгушэтыі адбыліся акцыі пратэсту супраць гэтага. Актывісты сьцьвярджаюць, што дамова невыгодны Інгушэтыі.

Раніцай у чацьвер рэгіянальны парлямэнт ухваліў абмен тэрыторыямі. Прыкладна ў час пасяджэньня парлямэнта ўзброеныя людзі адкрылі стральбу ў паветра, каб супакоіць натоўп, паведамляе зь месца падзеяў карэспандэнт Бі-бі-сі Лізавета Фохт. Супакоіць натоўп не ўдалося і мясцовым дэпутатам.

У чацьвер Канстытуцыйны суд Інгушэтыі выступіў супраць абмену тэрыторыямі з Чачэнскай рэспублікай.

З вечара 3 кастрычніка ў рэспубліцы адключаны інтэрнэт.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG