Лінкі ўнівэрсальнага доступу

Украінскага рэжысэра Алега Сянцова з калёніі перавезьлі ў бальніцу


Алег Сянцоў у калёніі Лабытангі 9 жніўня 2018 году.

Алег Сянцоў, які 139 дзён трымае галадоўку ў расейскай калёніі, дастаўлены ў бальніцу гораду Лабытнангі. Вязень пройдзе мэдычнае абсьледаваньне і атрымае кансультацыі ад лекараў.

Раней прэзыдэнт Украіны Пётар Парашэнка, выступаючы на Генэральнай асамблеі ААН, заявіў, што Сянцоў знаходзіцца «паміж жыцьцём і сьмерцю».

Кіраўнік украінскай дзяржавы заклікаў членаў Арганізацыі Аб’яднаных Нацый прыняць адпаведную рэзалюцыю і запатрабаваць ад Крамля датрыманьня правоў чалавека.

Украінскі рэжысэр Алег Сянцоў асуджаны ў Расеі на 20 гадоў паводле абвінавачваньня ў падрыхтоўцы тэрактаў у анэксаваным Крыме. Рэжысэр віну не прызнае. 14 траўня Сянцоў абвясьціў галадоўку з патрабаваньнем вызваліць з расейскіх турмаў усіх украінскіх палітвязьняў. Ён неаднаразова заяўляў, што будзе трымаць яе «да канца».

З патрабаваньнем неадкладна вызваліць Сянцова ў апошнія месяцы выступілі больш за 100 дзеячаў сусьветнай культуры, праваабаронцы і лідэры краін Захаду.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG