Лінкі ўнівэрсальнага доступу

Сярэдні век і алькаголь. Дрэнныя навіны


У Вялікабрытаніі дабрачынныя грамадзкія ініцыятывы Public Health England і The Drinkaware Trust разам зь дзяржаўнымі мэдычнымі органамі пачынаюць кампанію «Дні без алькаголю».

Мэты кампаніі

Кампанія накіравана на людзей сярэдняга веку з мэтай зьнізіць спажываньне алькаголю і мінімізаваць шкодныя наступствы для здароў. Пра гэта піша брытанская газэта The Guardian.

Сучасная навука атрымлівае ўсё больш зьвестак пра тое, што частае спажываньне алькаголю зьвязана з такімі рызыкамі для здароўя, як высокі крывяны ціск, хваробы сэрца і сем відаў раку.

Апрача таго, спажываньне алькаголю павялічвае колькасьць спажываных калёрый, бо моцныя алькагольныя напоі — высокакалярыйныя і, адпаведна, павялічваюць рызыку набору вагі і атлусьценьня.

Новыя нормы

У нядаўна выдадзеных галоўным лекарам Злучанага Каралеўства Салі Дэйвіс правілах ужываньня алькаголю гаворыцца, што мужчыны і жанчыны не павінна выпіваць у тыдзень больш за шэсьць 175-грамовых келіхаў віна або 1 літар 50 грамаў.

Гэта вельмі сур’ёзны крок брытанскіх уладаў, які выкліканы змрочнай статыстыкай. Нядаўняе дасьледаваньне паказала, што 40-гадовыя мужчыны, якія перавышаюць згаданую норму, у сярэднім скарачаюць сваё жыцьцё на 1,6 года, а жанчыны такога ж узросту — на 1,3 года.

Гэтыя сур’ёзныя захады брытанскіх уладаў зьяўляюцца падставай і для беларусаў сярэдняга веку задумацца пра кантроль над сваім спажываньнем алькаголю.

  • 16x9 Image

    Сяргей Абламейка

    Сяргей Абламейка нарадзіўся ў Менску. Скончыў гістарычны факультэт БДУ. Працаваў сьлесарам на МАЗе, выкладаў гісторыю ў школе, быў навуковым супрацоўнікам Музэю народнай архітэктуры і побыту, пасьля Скарынаўскага цэнтру. На «Свабодзе» – зь верасьня 1990 году, з траўня 1995 году – у Празе. Пісьменьнік, гісторык, журналіст.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG