Адміністрацыя Новасібірскага дзяржаўнага ўнівэрсытэту архітэктуры і дызайну перад візытам прадстаўнікоў РПЦ прыкрыла статуі аголеных людзей тканінай і замацавала яе канцылярскімі заціскамі, паведамляе новасібірскае онлайн-выданьне НГС.
Дэлегацыя з новасібірскай эпархіі прыехала ва ўнівэрсытэт на лекцыю аб даступнасьці храмаў для абмежаваных у перасоўваньні людзей у рамках гарадзкога форуму «Новасыбірск — горад бязьмежных магчымасьцяў».
Як паведаміў выданьню ўдзельнік мерапрыемства «Смарт Urban», які праходзіў у навучальнай установе, завесіць скульптуры вырашылі, «каб не пакрыўдзіць пачуцьці» прадстаўнікі царквы. Тканіну замацавалі канцылярскімі заціскі, а пасьля заканчэньня форуму зьнялі.
У прэсавай службе ўнівэрсытэту пацьвердзілі, што некалькі статуй сапраўды абгарнулі ў тканіну на час дыскусіі, але прычыну свайго рашэньня не назвалі.
Падобная гісторыя адбывалася ў Італіі ў 2016 годзе падчас візыту прэзыдэнта Ірану ў Капіталійскі музэй. Яго супрацоўнікі з павагі да клерыкальнага кіраўніцтва Ірану прыкрылі статуі аголеных людзей адмысловымі панэлямі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў