Цэнтральны Банк Расеі купляе золата ў чаканьні новых санкцый з боку ЗША. Пра гэта паведамляе Bloomberg.
За ліпень Расея закупіла больш за 26 тон золата. У выніку залатыя рэзэрвы краіны дасягнуў 2170 тон і ацэньваюцца больш чым на 77 мільярдаў даляраў. Пры гэтым Расея працягвае пазбаўляцца ад амэрыканскіх актываў. Як піша Bloomberg, гэта можа быць зьвязана са спробай абараніць сябе ад новых санкцый з боку ЗША.
22 жніўня ўступае ў сілу першая частка новых санкцый ЗША ў дачыненьні да Расеі ў сувязі з атручваньнем у брытанскім горадзе Солсбэры былога афіцэра расейскай вайсковай выведкі ГРУ Сяргея Скрыпаля і ягонай дачкі Юліі.
У Вашынгтоне перакананыя, што Масква парушыла амэрыканскі закон 1991 году аб кантролі над хімічнай і біялягічным зброяй і забароне яе ваеннага прымяненьня.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў