Лінкі ўнівэрсальнага доступу

У ЗША арыштавалі двух іранцаў — меркаваных агентаў Тэгерану


Ілюстрацыйнае фота
Ілюстрацыйнае фота

Двое мужчынаў з Ірану абвінавачаныя ў шпіянажы на карысьць Тэгерану ў Злучаных Штатах, паведаміла 20 жніўня Міністэрства юстыцыі ЗША.

59-гадовы грамадзянін Ірану і 38-гадовы мужчына з двайным іранскім і амэрыканскім грамадзянствам арыштаваныя 9 жніўня. У ЗША лічаць, што яны ў 2017 і 2018 гадах зьбіралі зьвесткі пра тых, каго ў Іране лічаць «ворагамі рэжыму».

Іх вінавацяць у дзейнасьці ў якасьці агентаў іранскага ўраду без папярэджаньня Генэральнага пракурора ЗША, у наданьні Ірану паслугаў, што парушаюць амэрыканскія санкцыі, у таемнай змове.

Мужчынаў падазраюць у таемным сачэньні за ізраільскімі і габрэйскімі арганізацыямі ў ЗША, у зборы зьвестак аб амэрыканскіх грамадзянах, а таксама аб амэрыканцах з Арганізацыі маджагедаў іранскага народу (MEK), якую Іран лічыць тэрарыстычнаю (у ЗША яна лічылася такой да 2012 году). Так, у адным з эпізодаў адзін зь меркаваных агентаў атрымаў ад другога 2000 даляраў за фатаграфаваньне ўдзельнікаў акцыі MEK у Нью-Ёрку.

Дэпартамэнт юстыцыі нагадвае, што мужчыны лічацца невінаватымі, пакуль не даказана адваротнае. Але пракуроры заяўляюць, што гатовыя даказаць віну іранцаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG