Лінкі ўнівэрсальнага доступу

Трамп: тыя, хто супрацоўнічае з Іранам, ня будуць мець спраў з ЗША


Дональд Трамп
Дональд Трамп

Любы, хто будзе мець справы з Іранам, ня будзе весьці бізнэс з ЗША. Пра гэта Дональд Трамп напісаў у твітэры. Прэзыдэнт ЗША назваў новыя санкцыі ў дачыненьні да Тэгерану самымі суровымі за усю гісторыю. Апроч іншага Трамп паабяцаў ўвесьці новыя абмежавальныя меры ўжо ў лістападзе.

7 жніўня ЗША аднавілі санкцыі ў дачыненьні да Ірану. Згодна з абмежаваньнямі, Тэгеран не зможа закупляць даляравыя банкноты, ўводзяцца абмежаваньні на гандаль каштоўнымі мэталамі, а таксама алюмініем, стальлю і вугалем. Апроч іншага, забараняюцца транзакцыі з іранскай валютай — рыялам.

Эўразьвяз выступіў за захаваньне ядзернай угоды з Іранам і абяцаў абараніць эўрапейскія кампаніі, якія вядуць бізнэс з Тэгеранам. Ад 7 жніўня ў ЭЗ пачаў дзейнічаць «блякавальны статут». Ён дазваляе кампаніям Эўразьвязу не выконваць экстэрытарыяльныя амэрыканскія санкцыі і атрымліваць кампэнсацыю выкліканых імі страт. Статут таксама анулюе ўплыў у ЭЗ любых замежных судовых рашэньняў.

У траўні прэзыдэнт ЗША абвінаваціў Іран у дапамозе тэрарызму і абвясьціў аб выхадзе зь ядзернай угоды. Тады ж Дональд Трамп заявіў аб аднаўленьні ўсёабдымных санкцый супраць Тэгерана. Эўразьвяз катэгарычна адмовіўся разрываць пагадненьне з Іранам і далучацца да санкцыйнага рэжыму.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG