Лінкі ўнівэрсальнага доступу

Турэччына падвысіла мытныя пошліны на шэраг тавараў з ЗША 


Прэзыдэнты ЗША і Турэччыны Дональд Трамп і Рэджэп Эрдаган на саміце NATO ў ліпені 2018 году.
Прэзыдэнты ЗША і Турэччыны Дональд Трамп і Рэджэп Эрдаган на саміце NATO ў ліпені 2018 году.

Турэччына значна падвысіла мытныя пошліны на шэраг амэрыканскіх тавараў у адказ на рашэньне ЗША ўдвая павялічыць тарыфы на імпарт сталі і алюмінію. Адпаведны ўказ падпісаў прэзыдэнт краіны Рэджэп Эрдаган.

Пошліны на амэрыканскую алькагольную прадукцыю вырасьлі на 140 адсоткаў, на легкавыя аўтамабілі — на 120 працэнтаў, на ліставы тытунь — на 60 працэнтаў. Акрамя таго, павышаныя пошліны на касмэтыку, рыс і вугаль.

Рашэньне Анкары абумоўлена «наўмыснымі нападамі адміністрацыі ЗША» на турэцкую эканоміку, напісаў у твітэры віцэ-прэзыдэнт Турэччыны Фуат Актай.

У пачатку жніўня ЗША ўвялі санкцыі ў дачыненьні да кіраўнікоў МУС і Мінюсту Турэччыны. Анкара ўвяла адпаведныя санкцыі. Неўзабаве прэзыдэнт ЗША Дональд Трамп абвясьціў аб дадатковым павышэньні пошлін на пастаўкі турэцкай сталі і алюмінію. На фоне гэтых паведамленьняў турэцкая ліра абнавіла мінімум да даляра.

Прэзыдэнт Рэджэп Эрдаган заявіў, што рэкорднае падзеньне ліры ўяўляе сабой сплянаваную акцыю супраць самастойнай палітыкі Анкары. З пачатку году нацыянальная валюта страціла прыкладна 45 адсоткаў кошту. Напярэдадні турэцкі лідэр заклікаў да байкоту амэрыканскай электронікі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG