Лінкі ўнівэрсальнага доступу

«Быў чалавекам Тэатру». Памёр актор Мікалай Кірычэнка


Мікалай Кірычэнка

14 жніўня памёр Народны артыст Беларусі Мікалай Кірычэнка. Яму было 72 гады.

Мікалай Кірычэнка
Мікалай Кірычэнка

Кірычэнка граў галоўныя ролі ў спэктаклях «Князь Вітаўт», «Чорная панна Нясьвіжа», «Вечар», «Сны аб Беларусі», «Тутэйшыя» і іншых.

Мікалай Кірычэнка нарадзіўся 16 сакавіка 1946 году ў Маладэчне. Ад 1971 году працаваў у Нацыянальным акадэмічным тэатры імя Янкі Купалы, у 2005-2009 гадах — быў дырэктарам тэатру. З 1987 году працаваў у Беларускай дзяржаўнай акадэміі мастацтва. У 2006 годзе актор атрымаў званьне Народнага артысту Беларусі. Фільмаграфія актору налічвае больш за 40 фільмаў.

Мікалай Кірычэнка быў чалавекам Тэатру, — кажа тэатразнаўца і пісьменьнік Вячаслаў Ракіцкі.

«Зь Мікалаем мы былі знаёмыя не адно дзесяцігодзьдзе, і ў маёй памяці ён застанецца перадусім як чалавек, які вельмі адданы тэатру, які любіў тэатар, які быў увасабленьнем акторскай дысцыпліны. У яго як галоўныя ролі, гэтак і эпізоды, нават невялічкія выхады на сцэну заўсёды былі ўзорнымі. У кожным сваім выхадзе на сцэну гэта быў акт служэньня мастацтву. Такое рэдка здараецца. Але ў маёй памяці ён застанецца акурат сваёй апошняй ролю ў спэктаклі «Зямля Эльзы», вельмі кранальнай, вельмі чалавечай. Калі я глядзеў, у пэўнай ступені разумеў, што гэта было яго разьвітаньне з прафэсіяй, з тэатрам».

Разьвітаньне зь Мікалаем Кірычэнкам пройдзе на галоўнай сцэне Купалаўскага тэатру

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG