Румынскія ўлады адкрылі крымінальнае расьсьледаваньне абставінаў актаў гвалту ў Бухарэсьце 10 і 11 жніўня.
Больш за 450 чалавек пацярпелі ў Бухарэсьце падчас шматтысячнай антыўрадавай акцыі пратэсту.
У Бухарэсьце ў антыкарупцыйным мітынгу, паводле апошніх дадзеных, бралі ўдзел ад 30 да 50 тысяч чалавек. Многія зь іх прыехалі з-за мяжы, дзе агульная колькасьць румын, якія знаходзяцца на заробках, складае многія сотні тысяч.
Дзясяткі тысяч румынаў на вуліцах Бухарэсту патрабуюць адстаўкі ўраду. Відэа
Прэзыдэнт Румыніі Клаўс Ёханіс і эўрапейскія палітыкі выступілі з асуджэньнем неапраўдана жорсткіх дзеяньняў паліцыі, паведамляе Бі-бі-сі. Румынская прэса піша, што правакатары, якія дамагаліся абвастрэньня сытуацыі, былі як сярод маніфэстантаў, так і сярод паліцэйскіх.
Паводле Усясьветнага банка, каля чвэрці румынаў з эканамічна актыўнай часткі насельніцтва, жывуць і працуюць за мяжой. Яны пералічваюць на радзіму значныя сумы грошай — у гадавым вылічэньні гэта некалькі мільярдаў даляраў.
Антыкарупцыйныя выступы ў Румыніі адбываліся цягам апошніх гадоў неаднаразова. У апазыцыйнай прэсе цяперашні ўрад сацыял-дэмакратаў называюць «злодзеямі» і «арганізаванай злачыннай групоўкай».
Першыя мітынгі з патрабаваньнем забясьпечыць незалежнасьць органаў правасудзьдзя адбыліся ў Румыніі яшчэ ў чэрвені — яны праходзілі мірна.