Лінкі ўнівэрсальнага доступу

Кіраўнік выведкі ЗША папярэджвае пра новыя спробы замежнікаў паўплываць на амэрыканскія выбары


Дэн Коўтс
Дэн Коўтс

Кіраўнік Нацыянальнай выведкі ЗША Дэн Коўтс заявіў, што амэрыканская выведная супольнасьць асьцерагаецца ўмяшаньня ў выбары ў Кангрэс, якія пройдуць у лістападзе. Паводле яго, Расея — не адзіная краіна, якая хоча ўплываць на дэмакратычныя працэсы ў ЗША.

Пры гэтым, адзначыў Коўтс, амэрыканскія спэцслужбы працягваюць назіраць намаганьні Масквы з мэтай аслабіць і падзяліць Злучаныя Штаты. Паводле дадзеных кіраўніка Нацыянальнай выведкі ЗША, для ўмяшаньня Расея выкарыстоўвае розныя інструмэнты, як зь ведама расейскіх уладаў, так і з боку прыватных асоб.

2 жніўня амэрыканскія сэнатары прадставілі законапраект пра новыя санкцыі ў дачыненьні да Расеі ў адказ на меркаванае ўмяшаньне Масквы ў амэрыканскія выбары, анэксію Крыму, а таксама расейскую палітыку ў Сырыі. У канцы ліпеня сэнатар Боб Коркер паабяцаў ўвесьці новыя меры ў дачыненьні да Расеі яшчэ да лістападу.

Вашынгтон абвінавачвае Расею ва ўмяшаньні ў выбары прэзыдэнта ЗША ў 2016 годзе, у тым ліку пры дапамозе хакераў, СМІ і праз сацыяльныя сеткі. Масква адпрэчвае абвінавачваньні ў спробах паўплываць на галасаваньне ў замежных дзяржавах.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG